تۆمارکردن لە “هەژماری من” گەیشتە زیاتر لە 220 هەزار

ژووری هەواڵ

بەگوێرەی نوێترین ئامار، تۆمارکردن لە “هەژماری من” گەیشتووەتە زیاتر لە 220 هەزار مووچەخۆری حکومی و کارەکانی پڕۆژەکە لە حەوت شاری هەرێمی کوردستان دەستیپێکردووە.

ئەمڕۆ پێنجشەممە 7.3.2024، فەرمانگەی میدیا و زانیاری حکومەتی هەرێم رایگەیاند، تاوەکو ئێستا کارتی بانکی بۆ زیاتر لە 100 هەزار مووچەخۆر گەڕاوەتەوە.

حکومەتی هەرێمی کوردستان شەش سوودی دروستکردنی ئەو هەژمارەی بۆ فەرمانبەران دەستنیشان کردووە، کە بریتین لە:

*ئاگادارکردنەوە لە کاتی دابەشکردنی موچە.

*راکێشانی پارە لە هەموو ئامێرێکی ئای تی ئێم.

*سوودمەندبوون لە ژمارەیەکی زۆری خزمەتگوزارییە داراییەکان.

*لە سەرانسەری جیهاندا کاری پێدەکرێت.

*پاداشتی هاوبەشیکردن وەردەگریت.

*ئاسایشی دارایی باشتر بەدەستدەهێنیت.