نەوت بۆ ئەمڕۆ لە خوار 83 دۆلارەوەیە

توانا نەقی

چەند رۆژێکە نەوت نرخەکەی هەر لە سەرووی 83 دۆلارەوە مامەڵەی پێوەدەکرێت، بەڵام لە دوێنێوە دابەزینى بەخۆیەوە بینى و لە خوار 83 دۆلارەوە مامەڵەى پێوە دەکرێت.

بەپێى نرخەکان لە بۆرسەى نەوتى جیهانى، بەیانی ئەمڕۆ چوارشەممە نرخى یەک بەرمیل نەوتى برێنت بە 82 دۆلار و 23 سەنت مامەڵەی پێوەدەکرێت.

نرخى یەک بەرمیل نەوتى سووکى تەکساسیش بە 78 دۆلار و 36 سەنتە و بەڕێژەى 0.21% لە چاو دوێنێدا بەرزبووەتەوە.

چەند رۆژێکە نرخى نەوت لە ئاستێکى مەیلەو جێگیردا بە بەرزى مامەڵەى پێوە دەکرێت و هەر لە خانەى 83 دۆلارە، ئەو بەرزبوونەوەیەش زیاتر پەیوەستە بە ناسەقامگیرییەکانى رۆژهەڵاتى ناوەڕاست بە تایبەت رووداوەکانى دەریاى سوور و بە ئامانجگرتنى کەشتییە نەوتهەڵگرەکان.