رێگەی تونێلی دەربەندیخان لەدوای چاککردنەوەی ئاوەڕۆکەی کرایەوە

964+

ژووری هەواڵ

لەدوای شەو و رۆژێک لە داخستنی، هاتوچۆ بە تونێلی دەربەندیخاندا ئاسایی بووەوە و ئاوەڕۆکەی چاککرایەوە.

ئەمڕۆ یەکشەممە 3.3.2024، سلێمان محەمەد، قایمقامی دەربەندیخان بە 964ـی راگەیاند، بەهۆی ئەوەی ئاوەڕۆی ناو تونێل تێکچووبوو و کاری چاککردنەوەی بۆ دەکرا، هاتوچۆی قەزاکە لە کاتژمێر 8:00ـى بەیانى رۆژى شەممە تا کاتژمێر 8:00ـى بەیانى ئەمڕۆ رێگەکەیان بەربەست کردبوو.

ئێستا بەربەستی رێگەکە لابراوە و هاتوچۆ پێیدا ئاساییبووەتەوە، سلێمان محەمەد وای وت.

پێشتر هاتوچۆى دەربەندیخان رایگەیاند، “جاری پێشوو کە نۆژەنکرایەوە بۆ ماوەی سێ کاتژمێر تونێلەکە داخرا، ئەوەش وای کرد بە باشی وشک نەبێتەوە و دووبارە تێک بچێتەوە”.

رێگاى شاخى بەرانان، رێگەى جێگرەوەیە و کاتێک تونێلى دەربەندیخان دادەخرێت، شۆفێران ناچارن ئەو رێگەیە بەکار بهێنن، بەڵام رێگا بە هیچ بارهەڵگرێک نادرێ شاخی بەرانان بەکار بهێنێت ئۆتۆمبێلی بچوکیش دەبێت بەسەر بەنداوی دەربەندیخاندا هاتوچۆ بکات.

جارێکى تر تونێلى دەربەندیخان دادەخرێت