رۆژنامەنوسەكان باجەکانتان نوێ بكەنەوە

+964
كوردستان ئەحمەد – هەولێر

سەندیكای رۆژنامەنوسانی كوردستان داوا لە ئەندامەکانی دەکات سەردانیان بکەن و لە ماوەی 2023 باجەکانیان نوێ بکەنەوە.

كاروان ئەنوەر، سكرتێری لقی سلێمانی سەندیكای رۆژنامەنوسانی كوردستان بە +964ی وت “داوا لە ئەندامانی سەندیكای رۆژنامەنوسانی كوردستان دەكەم پێناسەكانیان نوێ بكەنەوە بۆ ئەوەی مافی ئەندامێتیان لە سەندیكا نەفەوتێت”.

سێ جۆر ئەندامێتی لە سەندیكای رۆژنامەنوسان هەیە، ئەندامی كارا، ئەندامی ئاسایی و ئەندامی هاوبەش.

نوێكردنەوەی باج بۆ ئەندامی كارا 25 هەزار دینار و بۆ ئەوانی دیكە 15 هەزار دیناری تێدەچێت.

سەندیكای رۆژنامەنوسانی کوردستان بە گشتیی 12 هەزار ئەندامی هەیە.

لقەکانی سەندیكای رۆژنامەنوسان تەنیا رۆژانی دووشەممە و سێشەمە، كاتژمێر 3:00 بۆ 5:30ی ئێوارە دەوام دەكەن.