شۆفێرەکەی چی لێهاتووە؟
تانکەرێکی سووتەمەنی گڕی گرت
964+
زەید کۆچەر
ئهمشهو تانکەرێکی سووتەمەنی له رێگای نێوان شێخان – كۆمهڵگهی مهههت ئاگری گرت و به پێی زانیارییهكانیش شۆفێرهكهی بریندارە.
بە پێی زانیارییەکان، تانكهرێك نەوتی خاوی بارکردبوو، ویستوویەتی لە زاخۆ بیباتە هەولێر، بەڵام لە رێگادا تایەی پێشەوەی تهقیوه و وهرگهڕاوه، دواتر گڕی گرتووه.
بە پێی زانیارییهكانی 964 شۆفیرەکە خەڵکی بەردەرەشە و لە کاتی وەرگەڕان و گڕگرتنی بارهەڵگرەکەی، خۆی فڕێداوە و ژیانی خۆی له مردن رزگار كردووه.
دڵشاد محهمهد، بەرپرسی راگەیاندنی هاتوچۆی شێخان بە 964ی وت، رووداوهكه ئەمشەو رووی دا و ئێستا پۆلیسی هاتوچۆ و بهرگریی شارستانی له شوێنی رووداوهكهن و خهریكی کۆنتڕۆڵکردنی ئاگرەکە و لێكۆڵینهوهن.
وتیشی، بەهۆی ئاگرەکەوە سایدی دهۆک – هەولێر داخرا و تا ئیستاش داخراوە، بەهۆی ئەوەی نەوتەکە زۆر رژاوە لەسەر رێگاكه و مەترسی ئەوە هەیە رووداوی زیاتر دروست بیت.
سەرچاوەیەک لە نەخۆشخانەی شێخان بە 964ی وت، شۆفێرەکە تەندروستی باشە و تەنیا رانی شکاوە و ئێستا لە نەخۆشخانە چارەسەر وەردەگرێت.
بە پێی زانیارییانهی 964 له كهسانی نزیكی رووداوهكه دهستی كهوتووه، شۆفێری تانکەرەکە قاچی شکاوە و رەوانەی نەخۆشخانە کراوە.
پێداچوونهوه: ئهرسهلان عهبدوڵا