بەڕێوەبەری پەروەردەی پشدەر دەستی لەکارکێشاوەتەوە؟

964+

محەمەد عەلی ــ قەڵادزێ

شەوی رابردوو زۆرێک لەپەیج و ئەکاونتەکانی سنووری پشدەر وا بڵاوکرایەوە بەڕێوەبەری پەروەردەی پشدەر دەستی لەکار کێشاوەتەوە، بەڕێوەبەری پەروەردەی پشدەر راستی ئەو بابەتە بۆ 964 ئاشکرا دەکات و دەڵێت دەستی لەکار نەکێشاوەتەوە

محمود حوسێن بەڕێوەبەری پەروەردەی پشدەر بە 964ـی وت،”دوای کاتژمێر 9.00 شەوی رابردوو لە تۆڕە کۆمەڵایەتیەکان بڵاوکرایەوە  لە هەندێک پەیج و ئەکاونت، “کە من دەستم لەکار کێشاوەتەوە وەکو بەڕێوەبەری پەروەردەی پشدەر، نەخێر ئەم هەواڵە دوورە لەراستیەوە، من لەسەر کارەکەم بەردەوامم”.

وتیشی، “30 ساڵ خزمەتم هەیە وەکو مامۆستا و سەر پەرشتیاری یەکەمی پەروەردەیی، ئێستاش خۆم بە مامۆستا دەزانم کە ساڵانێک لەپۆلدا خزمەتم بە قوتابیانی سنوورەکەم کردووە و پەیامی پەروەردەیی خۆم گەیاندووە”.

بەڕێوەبەری ئەروەردەی پشدەر ئاماژەی بەوەشکرد، “ۆڕەکۆمەڵایەتیەکان رایەڵەی پەیوەندین، بەداخەوە ئەوەی کەمن هەستی پێدەکەم زۆرێک لە پەیج و ئەکاونتەکان بەشێوەی تەندروست بەکار نایەن، بوونەتە هۆی ئەوەی هەواڵی ناڕاست بڵاو دەکەنەوە بۆ مەرامی خۆیان و تەشیر و ناوزڕاندن و ناشیرنکردنی خەڵکی و کەمن ئەوانەی هەواڵی راست بڵاودەکەنەوە”.

پێداچوونەوە: توانا نەقی