لە چاو دوێنێدا نرخی نەوت زیاتر لە دۆلارێک دابەزیوە

964+

توانا نەقی

لەگەڵ بەردەوامیی کێشەکانی دەریای سوور و دواى پێکانى کەشتییەکى نەوتهەڵگر بە مووشەکێکى چەکدارە حوسییەکان، نرخى نەوت بەردەوامیدایە بەرزبوونەوە، هەرچەندە ئەمڕۆ رووى لە دابەزین کردووەتەوە، بەڵام بەگشتى لە ئاستیکى بەرزدایە.

ئەمڕۆ پێنجشەممە، نرخى نەوتى خاوى برێنت بە رێژەى 1.16 دۆلار دابەزینى بەخۆیەوە بینیوە و گەیشتووە بە 81 دۆلار و 71 سەنت، نەوتى سوکى تەکساسیش هەر بەرمیلێکى بە 77.15 دۆلارە و بە رێژەى 0.40 دۆلار بەرزبوونەوەی بەخۆیەوە بینیوە.

بڕیارە ئەمڕۆ 1.2.2024 داهاتوو، وەزیرانی باڵای رێکخراوی وڵاتانی هەناردەکاری نەوت (ئۆپێک) و هاوپەیمانەکانی بە سەرۆکایەتی رووسیا بە شێوەی ئۆنلاین کۆببنەوە و ئەمەش کاریگەرى راستەوخۆ لەسەر نرخى نەوت دادەنێت.

پێدەچێت ئۆپیک پڵەس له چەند هەفتەى داهاتوودا بەرهەمهێنانى نەوت بۆ مانگى نیسان و دواتریش یەکلایى بکاتەوە، چونکە کۆبوونەوەکە زۆر زوو بەڕێوە دەچێت بۆ بڕیاردان لەسەر سیاسەتى بەرهەمهێنانى زیاتر.