دهیانهوێت پرۆژەکەیان گەورەتر بکەن
چوار خوێندکارى گهرمیان توێژینەوە لەسەر بەخێوکردنی قەل دهكهن
964+
میلاد جەلال – کفری
چوار خوێندکارى قۆناغی چوار، لەبەشی سامانی ئاژەڵی کۆلێجی تەکنیکی کفری سنوورى گهرمیان، دهستیان به توێژینهوهیهك كردووه لهسهر چۆنیهتى بهخێوكردنى قهل. بۆ ئهم مهبهستهش 100 جوچکەی قەلی سوریان ھێناوە و كارى لهسهر دهكهن.
خوێندكارهكان سێ کچ و کوڕێکن، رۆژانە 24 کاتژمێر چاودێری جوچکە قەلەکان دەکەن و ژێریان پاکدەکەنەوە و خواردنیان پێدەدەن بەشێوەیەکی زانستی.
پرۆژەكه، له رووى مادییهوه لەلایەن رێکخراوی ھاوکاری ئەڵمانی، یارمەتی دەدرێن.
ماوهى 10 رۆژه دهستیان بهو پڕۆژهیه كردووه و ماوەی دوو مانگ قەلەکان لەناو ژورێک بەخێو دەکەن، دواتریش دەیانبەنە دەرەوەی کۆلێژەکەیان بۆ بەخێوکردن.
خوێندكارهكان دهڵێن، ئەگەر پشتگیری بکرێن نایانهوێت قەلەکان كه پێگەیشتن بیانفرۆشنەوە، بەڵکو ھێلکەیان لێبگرنەوە و پرۆژەکەیان گەورەتر بکەن.
پێداچوونهوه: فهرهاد حهسهن