کارزان فاروق کاش بڵاودەکاتەوە

+964

پەرستۆ ساڵح – هەولێر

هونەرمەندی گۆرانیبێژ کارزان خەمگین و شادی تێکەڵ دەکات و لە کلیپێکی نوێدا بە ناوی “کاش” بڵاویدەکاتەوە.

کلیپی “کاش” یەکەم بەرهەمی کارزان فاروقە لە ساڵی 2023، بۆ یەکەمجارە کارەکانی ئاواز و تێکستی خۆی نەبێت، لەلایەن سەریادی مەجید ئاواتی کاری بۆ کراوە، هاوکات لە سلێمانی کاری کلیپی بۆ کراوە لەلایەن دەرهێنەرێکی رۆژهەڵاتییەوە بەناوی سەروەر بۆ ئەنجامدراوە.

دەربارەی گۆرانی “کاش” کارزان فاروق بۆ +964 وتی “کاش، واتە خۆزگە یان بریا لە زمانی فارسیەوە وەرگیراوە، چیرۆکی گۆرانییەکە دەربارەی خۆشەویستییەکە کە بگەرێتەوە، چونکە ئێمە کۆمەڵگاکەمان هەمیشە لە خەمدایە، هەر بۆیە من بۆ ئەوەی ببێتە جێگای سەرنج تێکستێکی خەماویم بۆ داناوە بە ئاوازێکی شاد، تا بەمشێوازە چێژی هەبێت لە هەردوو لایەنی خۆشی و خەمەوە”.

+964 دەزانێت کارزان فاروق بە نیازە بۆ ساڵی 2023 چەند بەرهەمێکی دیکە بڵاوبکاتەوە، بەڵام بێ ئەوەی بیکاتە ئەلبوم، بەپێی وتەی خۆی ئێستا وەک جاران ئەلبوم و فرۆشی سی دی هەواداری نەماوە، زیاتر بە تراکی جیا دەگاتە بیسەر و هەوادارانی، لە پلانیشیدا هەیە بۆ بەهار و نەورۆزی ئەمساڵ گۆرانیەکی شادی و هەڵپەرکێ پێشکەش بە هەوادارانی بکات.

کارزان فاروق خاوەنی چەندین بەرهەم و کلیپی خۆیەتی، دوێتی لەگەڵ هەریەک لە هونەرمەندان شاباز زەمانی و کەمال محەمەد هەیە.