دژەتیرۆری سلێمانی: بازرگانێکی ماددەی هۆشبەرمان دەستگیر كرد

964+
ئه‌رسه‌لان عه‌بدوڵا

دژه‌تیرۆری سلێمانی رایگه‌یاند، بازرگانێكی مادده‌ی هۆشبه‌ریان ده‌ستگیر كردووه‌ و راده‌ستی یاسایان كردووه‌.

به‌ڕێوه‌به‌رایه‌تیی گشتیی دژه‌تیرۆر- سلێمانی، له‌ به‌یاننامه‌یه‌كدا، كه‌ كۆپییه‌كی بۆ 964 نێردراوه‌، ئاماژه‌ به‌وه‌ ده‌كه‌ن، لە ئۆپەراسیۆنێکی هێزەکانی بەڕێوبەرایەتیی گشتیی دژەتیرۆر، توانرا بازرگانێکی ماددەی هۆشبەر دەستگیر بکرێت، هەروەها دەست بەسەر بڕی 17 کیلۆ و 700 گرام لە ماددەی هۆشبەری جۆری کریستاڵدا بگیرێت.

سه‌رچاوه‌كه‌ ده‌ڵێن، تۆمەتباری دەستگیرکراو ناوی (س،ع،م) لەدایکبووی ساڵی 1989یه‌، پێشینەی تاوانی هاوشێوەی هەبووە و چەند جارێکی دیکە بازرگانی بە ماددەی هۆشبەرەوە کردووە.

هه‌روه‌ها رایانگه‌یاند، پاش دەستگیرکردنی تۆمه‌تباره‌كه‌، رادەستی یاسا کرا بە مەبەستی سزادانی.