لە رووداوێکی هاتوچۆدا پیاوێک گیانی لەدەستدا و ژنەکەشی بریندارە

964+

سیروان خورشید – دوزخورماتوو

درەنگانی شەوی رابردوو لە رووداوێکی هاتوچۆدا لەسەر رێگای کەرکوک بەغدا لە نێوان داقوق و ناحیەی تازەخورماتوو پیاوێک گیانی لەدەستداو ژنەکەشی برینداربوو.

حوسێن جەلال شۆفێری هێڵی نێوان خورماتوو کەرکوکە و لەنزیکی روداوەکە بووە بە 964ـی وت، درەنگانی شەو بوو روداوێکی وەرگەڕانی ئۆتۆمبێل لە جۆری دۆج رویدا لەنزیک گوندی یەنگیجەی سنوری نێوان تازەخورماتوو – داقوق.

وتیشی، ئۆتۆمبێڵەکە دوو کەسی تێدابووە و کە هەردوگیان هاوژینی یەک بوون لەکەرکوکەوە بەرەو خورماتوو گەڕاونەتەوە و لەنزیک داقوق و بەهۆی تیژڕەویەوە کۆنترۆڵی لەدەستداووەو لەئەنجامدا وەرگەڕاوە.

وتیشی، بەهۆیەوە پیاوەکە گیانی لەدەستداوە و ژنەکەشی بەسەختی برینداربووە، هەردوگیان لەلایەن هاوڵاتیانی نزیک رووداوەکە رەوانەی نەخۆشخانەی پزیشکی دادی کەرکوک کراون.

پێداچوونەوە: تونا نەقی