4ـی شوبات مۆندیال دەستپێدەکات

سۆما حەکیم زادە
فیدراسیۆنی نێودەوڵەتی تۆپی پێی (فیفا)، رۆژی چواری شوباتی وەک وادەی راگەیاندنی خشتەی یارییەکانی مۆندیالی 2026 دیاری کردووە کە لە لایەن ئەمریکا و مەکسیک و کەنەداوە، میوانداری دەکرێت.

وێڕاى راگەیاندنى خشتەى یارییەکانى مۆندیالى 2026، بڕیارە فیفا لە داهاتوودا، شوێن و یاریگای یاریی کردنەوەی مۆندیال و یارییەکانی هەر گرووپێک کە لە مانگی تەمموزی 2026ـەوە دەستپێدەکات رابگەیەنرێت.

بڕیارە جامی جیهانی داهاتوو لە 16 شاری کەنەدا و مەکسیک و ئەمریکا بەڕێوەبچێت، کە بریتین لە شارەکانى: ئەتلانتا، بۆستن، دالاس، گوادالاخارا، هیوستن، کانساس سیتی، لۆس ئەنجلۆس، مەکسیکۆ سیتی، مەیامی، مۆنتەری، نیویۆرک، نیوجێرسی، فیلادلفیا، سان فرانسیسکۆ، سیاتڵ، تۆرۆنتۆ و ڤانکۆڤەر.

لە مۆندیالى داهاتوودا، بۆ یەکەمجارە 48 هەڵبژاردە بەشدارى تێدا دەکەن و فیفا ماڵئاوایى لە بەشداریکردنى 32 هەڵبژاردە دەکات لە مۆندیالدا، کە لە مۆندیالى 1998ى فەرەنساوە جێبەجێى دەکات.