ماڵە بۆردومانکراوەکەی هەولێر - فۆتۆ: 964
لە کوێن؟
وه‌زیری ته‌ندروستی: كوڕه بچووكه‌كه‌ی پێشڕه‌و دزه‌یی له ژیاندایه
964+
ئەرسەلان عەبدوڵا
وەزیری تەندروستیی هەرێمی کوردستان، لە روونکردنەوەیەکدا رایگه‌یاند، باری تەندروستی ئەندامانی خێزانی پێشڕەو دزەیی بەرەو باشتر دەچێت و ره‌تیشكرده‌وه كوڕه بچووكه‌كه‌ی گیانی له ده‌ستدابێت.
سامان بەرزنجی وەزیری تەندروستی شه‌وی رابردوو روونکردنەوەیەکی دا و وتی: “ئەوەی لە ماوەی چەند کاتژمێرێکی یەکەمی رووداوی هێرشی تیرۆریستی بۆ سەر ماڵی خوالێخۆشبوو (پێشڕەو دزەیی) کرا رزگارکردنی ژیانی برینداران بوو، بە تایبەتی باری زۆر ترسناک و ناجێگیری هەردوو کوڕەکەی و خێزانی خوالێخۆشبوو، کارێکی گەورە و لە رادەبەدەر بوو، بەتایبەتی کوڕی گەورەی (رۆژ پێشڕەو دزەیی) کە باری تەندروستی یەکجار خراپ بوو، بەهۆی سەختی برینەکانی جەستە و تەواوی خوێنبەربوون، خۆشبەختانە ژیانی تا ئێستا رزگار کراوە و له ژێر چاودێری چڕی پزیشکیدایە”.
وەزیری تەندروستی هه‌روه‌ها وتی: “لە دوو رۆژی رابردوودا هیچ نەشتەرگەرییەکی بۆ نەکراوە و ئەو هەواڵانەش رەتدەکەینەوە گوایە کوڕی بچووکی گیانی لەدەستدابێت، ئێستا باری تەندروستی روان و هانای خێزانی پێشڕه‌و دزه‌یی باشە”.
به پێی زانیارییه‌كانی 964، هه‌رسێ بریندار گواستراونه‌ته‌وه شاری دوبه‌ی له ئیمارات و له‌وێ نه‌شته‌رگه‌ری و چاره‌سه‌ری پێویستیان بۆ كراوه و له‌وێ له ژێر چاودێریی پزیشكیدان.
