دیمهنێكى ئێستاى پردهكهى گوندى باراوا له بنارى قهندیل... وێنه: سۆسیال میدیاى كاسكان
دوو رۆژه هاوچۆى لهگهڵ شاردا پچڕاوه
تاكه پردهكهى گوندێكی بنارى قهندیل ئاو بردی
فهرهاد حهسهن
لهگهڵ بارانبارینه بهخۆڕهكهى چهند رۆژى رابردوو و دروستبوونى لافاو، جارێكی دیكهش پرده تاقانهكهى گوندى باراواى بنارى قهندیل ئاو بردى و هاتوچۆى نێوان ئهم گونده و گوندهكانى دهوروبهرى پچڕا.
گوندهكه نزیكى گوندهكانى كاسكان و درهو كۆتره له بنارى قهندیل و كهوتووهته سنوورى ناحیهى سهنگهسهرى ئیدارهى راپهڕین.
سامان ئهحمهد، خهڵكی گوندى كاسكان، به 964ـى وت، ماوهى سێ رۆژه هاتوچۆ لهنێوان ئهم گونده و گوندهكانى دهوروبهرى و ناحیهى سهنگهسهر وهستاوه.
وتیشی “ناسیاوێكمان خێزانهكهى لهو گونده بهجێماوه و تا ئێستا بههۆى پچڕانى رێگاكه نهیتوانیوه بیهێنێتهوه كاسكان”.
ئامارهى بهوهشكرد ئێستا 12 ماڵ لهو گونده دهژین و له ساڵانى رابردووش چهند جارێك ئهو پردهیان بههۆى بارانبارینى زۆر و دروستبوونى لافاوهوه رووخاوه.
بهقسهى ئهم هاوڵاتییه، پێشتر كه ئهو پرده چهند جارێك رووخاوه شارهوانى سهنگهسهر بهشێوهیهكی ههڕهمهكى چاكی كردووهتهوه و تائێستا نهیانتوانیوه پردهكه بهشێوهیهكی باش بۆ گوندهكه چاكبكهنهوه.
964 چهند جارێك پهیوهندی به نههرۆ عهبدوڵا بهڕێوهبهرى ناحیهى سهنگهسهر كرد، بهڵام وهڵامى پهیوهندییهكه نهدرایهوه.