لە زاخۆ دەست بەسەر زیاتر لە 11 تۆن گۆشتی خراپدا گیرا

ژووری هەواڵ

لیژنەکانی قایمقامیەتی زاخۆ 11 تۆن گۆشتی هیندییان لە ناو کۆگایەکدا دۆزیوەتەوە کە بۆ خواردن شیاو نییە و خاوەنەکەی ویستویەتی بەسەر هاوڵاتیاندا ساغیبکاتەوە.

ئەمڕۆ سێشەممە 16.1.2024، وەلات هەژار، بەڕێوەبەری کارگێڕی و سەرۆکی لیژنەی چاودێری بازاڕی زاخۆ بە 964ـی راگەیاند، ئەو جۆرە گۆشتە لە دەرەوە هاوردەی زاخۆ کراوە و بڕەکەی 11 تۆن و 191 کیلۆیە و فرۆشتنی قەدەغەیە.

“ئاسایشی زاخۆ ئەم بابەتەی کردووە بە دۆسیە و بە مەبەستی یەکلاکردنەوەی سزای خاوەنەکەی، دۆسیەکە رەوانەی دادگا کراوە”، قایمقامیەتی زاخۆ وا دەڵێت.

به‌پێی رێنماییه‌كانی وه‌زاره‌تی كشتوكاڵی حكومه‌تی هه‌رێم، هاورده‌كردن و فرۆشتنی گۆشتی هیندی قه‌ده‌غه‌یه‌ و له‌ هه‌ر شوێنێك ده‌ستی به‌سه‌ردا بگیرێت، شوێنه‌كه‌ داده‌خرێت و خاوه‌نه‌كه‌شی رووبه‌ڕووی رێكاری یاسایی ده‌كرێته‌وه‌.