له‌ هه‌شت كتێبخانه‌ى سۆران رۆژانه‌ 11 كه‌س سه‌ردانى كردوون

فه‌رهاد حه‌سه‌ن

له‌ ئیداره‌ى سه‌ربه‌خۆى سۆران به‌ هه‌شت كتێبخانه‌ى گشتى، رۆژانه‌ ته‌نیا 11 كه‌س سه‌ردانی كردوون و 12 خوێنه‌ریش كتێبیان له‌و كتێبخانانه‌ خوێندووه‌ته‌وه‌.

به‌پێی ئامارێك كه‌ بەرێوەبەرایەتی کتێبخانە گشتییەکانی ئیدارەی سۆران، بڵاویكردووه‌ته‌وه‌، له‌ماوه‌ى ساڵى 2023 دا، چوار هه‌زار و 379 كه‌س سه‌ردانى ئه‌و كتێبخانانه‌ى كردووه‌ و چوار هه‌زار و 662 كه‌سیش له‌و كتێبخانانه‌ كتێبیان خوێندووه‌ته‌وه‌.

له‌ماوه‌ى ساڵى رابردوودا، کتێبخانەی گشتی سۆران، 724 خوێنەر و 863 سه‌ردانیكار، سه‌ردانى كردووه‌ , کتێبخانەی گشتی رواندزیش 613 كه‌س كتێبیان لێ خوێندووه‌ته‌وه‌ و  633 كه‌سیش سه‌ردانیان كردووه‌.

کتێبخانەی گشتی بلێ 775 خوێنه‌ر و 569 سه‌ردانیكار و کتێبخانەی گشتی مێرگەسۆر  هه‌زوار و 168 خوێنه‌ر و 501 سه‌ردانیكار و کتێبخانەی گشتی وەرتێ 210 خوێنه‌ر و 379

سه‌ردانیكار و کتێبخانەی گشتی سیدەکان 351 خوێنەر و 622 سه‌ردانیكار و کتێبخانەی گشتی گەڵاڵە 228 خوێنه‌ر و 467 سه‌ردانیكار و کتێبخانەی گشتی خەلیفانیش ژمارەی خوێنەرانى بریتی بووه‌ له‌ 593 و 345 كه‌سیش سه‌ردانیان كردووه‌.

ئاماژه‌ به‌وه‌شكراوه‌ كه‌ له‌ماوه‌ى ئه‌مساڵه‌دا ناساندن بۆ كتێب و به‌رهه‌می چه‌ند نووسه‌رێك له‌و كتێبخانانه‌ كراوه‌ كه‌ خودى نووسه‌رانیش ئاماده‌ى بوونه‌ و 500 کتێب و گۆڤار بە سەرچاوەی جۆراو جۆریشه‌وه‌ به‌خشراون.