خاوەن پێداویستی تایبەتە
دەیەوێت بە کاری پینەچێتی کەموکوڕییەکانی ژیانی پینە بکات
964+
بڕوامەجید
حوسێن قادر هاوڵاتییەکی خاوەن پێداویستی تایبەتە، ماوەی 13 ساڵە لە قەزای شارەزوور کارت پینەچێتی دەکات
حوسێن قادر تەمەنی 45 ساڵە، بەهۆی ئەوەی کێشە لە قاچەکانیدایە، ناتوانێت بەپێوە زۆر بوەستێت و زۆر بە رێگادا بڕوات، بۆیە دەستی داوەتە پیشەی پینەچێتی، ئەو لە دوکانەکەیدا ئیشی دوورینەوەی پێڵاو و بزمارڕێژکردن و ناوکەف تێگرتن و دوورینەوەی خێمە و پانتۆڵ و جانتا و کەلوپەلی هاوڵاتیان دەکات.
حوسێن دەڵێت رۆژانە 7 بۆ 8 کاتژمێر کار دەکەم، بەڵام کاسبییەکە وەک پێشوو نەماوە، لە باشترین رۆژەکانی کارکردنمدا پێنج هەزار یان زیاتر پەیدا دەکەم، ئەو پارەیەی پەیدایشی دەکەم، بژێوی ژیانم دابین ناکات، خۆم و خێزانیشم خاوەن پێداویستی تایبەتین.
پێداچوونەوە: ئەرسەلان عەبدوڵا
