کەریم بنزیما ئینستاگرامەکەی ناچالاک کرد

سۆما حەکیم زادە

بەگوێرەی ئەو زانیاریانەی لەدەزگا میدیاییەکانی سعودیە بڵاوکراونەتەوە، کەریم بنزیما یاریزانی یانەی ئیتیحاد، شاری جەدەی بەجێهێشتووە و چووەتە شوێنێکی نادیار.

کەریم بنزیما دوای شکستی یانەی ئیتیحاد بەرامبەر یانەی نەسر، هەژماری تایبەتی خۆی لە ئینستاگرام ناچالاک کرد.

هەفتەی رابردووش لە ڕۆژانی پێنجشەممە و هەینیشدا بەشداری مەشقەکانی لەگەڵ یانەکەی نەکردووە.

هۆکاری ئەم بێزاریەی بنزیما نادیارە، بەڵام رەنگە بەهۆی ئەو ئەنجامە خراپانە بێت کە لەگەڵ یانەکەی تۆماری کردووە.

یانەی ئیتیحاد لەم وەرزەدا کێشەیەکی زۆری هەیە و لە پلەی حەوتەمی خولی پڕۆی سعودیەیە.

پێداچوونەوە: فەهمی نەبی