964+
ژێوار خدر – راپەڕین
بەڕێوەبەری گشتی تەندروستی راپەڕین و کارمەندێکی نەخۆشخانەی گشتی رانییە پشتڕاستیان کردەوە، کارمەندانی تەندروستی ئەو دەڤەرە مانیان نەگرتووە.
ئەمڕۆ چوارشەممە، دەنگۆی ئەوە بڵاوبووەوە، کارمەندانی تەندروستی راپەڕین مانیان گرتووە و دەوام ناکەن.
لای خۆیەوە، دکتۆر دیاری عەوڵا، بەڕێوەبەری گشتی تەندروستی راپەڕین بە 964+ی وت، تەنیا کۆمەڵێک کارمەندی پاککەرەوە بەهۆی دواکەوتنی موچەکانیان ناڕەزایەتییان دەربڕیوە و داوای موچەکانیان کردووە، “هیچ کام لە کارمەندەکانی نەخۆشخانەکەیان مانیان نەگرتووە”.
هاوکات، شادان رەسوڵ، کارمەندی تەندروستی نەخۆشخانەی گشتیی رانییە بە 964ی وت، دەنگۆی مانگرتنیان دوورە لە راستییەوە.
