لەلایەن رێکخراوێکی ئەمریکی ئەنجام دەدرێت
کنە و پشکنین بۆ سەرای سلێمانی دەکرێت
964+
رێژوان مامە قادر – سلێمانی
تیمێکی پسپۆڕی زانکۆی سلێمانی بە سەرپەرشتی بەڕێوەبەرایەتی شوێنەوار کنە و پشکنین بۆ سەرای سلێمانی دەکەن.
964 دەزانێت، چەند مانگێک پێش ئێستا لە کاتی نۆژەنکردنەوەی سەرادا لە لایەن رێکخراوی TARIIـی ئەمریکی، چەند پارچەیەک لە خشتی کۆن و هەندێک پارچە گۆزە لە بەشی پشتەوەی سەرا دەرکەوتن و ئەوەش بووەتە هۆی ئەوەی بڕیاری کنە و پشکنینی بۆ بدرێت.
حسێن حەمەغەریب، بەڕێوەبەری شوێنەواری سلێمانی بە 964ـی راگەیاند، تیمەکە لێکۆڵینەوە و پشکنین دەکات تا بزانێت سەرچاوە و مێژووی ئەو پارچە گۆزە و خشتانە چین دەرکەوتوون.
وتیشی، لە کاتی کارکردندا سەرای سلێمانی داناخرێت و کراوە دەبێت بەڕووی گەشتیاران و دانیشتووانی شاری سلێمانیدا.
سەرا بینایەک و مەیدانێکی فراوانی شاری سلێمانییە، دەکەوێتە ناوەڕاستی شارەوە، شەش شەقامی دەکەوێتە سەر ئەوانیش شەقامەکانی مەولەوی، کاوە، گۆران، سابونکەران، بێکەس و پیرمێردن، ساڵی 1918 لەو مەیدانەوە بۆ یەکەمجار جاڕی بەمەلیکبوونی شێخ موحمودی حەفید وەک یەکەم مەلیکی کوردستان لێدرا.
سەرای سلێمانی لە رابردوودا شوێنی بایەخدانی ھاوڵاتیان و دەسەڵاتدارانی شارەکە بووە و زۆرێک لە فەرمانگە حکومییەکانی تیادا بووە.
پێداچوونەوە: توانا نەقی
بەردەرکی سەرای سلێمانی دادەخرێت
