شەوی سەری ساڵ ١٢ منداڵ لە گەرمیان لەدایك بوون

964+
میلاد جلال – گەرمیان

لە یەکەم رۆژی ساڵی 2023 لە گەرمیان 12 منداڵ لەدایکبوون، پێنج لە منداڵەکان بە شێوەی سروشتی لەدایکبوون و حەوتیان بە نەشتەرگەری.

لە کۆی ئەو 12 منداڵە تەنیا پێنجیان لە نەخۆشخانەی حکومی لەدایکبوون.

دکتۆرە بەناز جلیل بەڕێوەبەری نەخۆشخانەی شەھید شێرەی نەقیب بۆ ژنان و منداڵبوون بە 964+ـی راگه‌یاند، رۆژی یه‌كی كانونی دووەمی 2023 لە نەخۆشخانەکەیان پێنج منداڵ لەدایک بوون، یەکێکیان بە نەشتەرگەری بووە و چوارەکەی دیكه‌یان بە سرووشتی لەدایک بوون.

وتیشی ” سێ لە منداڵەکان کچ بوون و دوانەكه‌ی دیكه‌یان کوڕ بوون”.

964+ ده‌زانێت، لە نەخۆشخانە تایبەتەکانی ئیداره‌ی گه‌رمیانیشدا حەوت منداڵ لەدایکبوون، کە شەشیان بە نەشتەرگەری له‌دایكبوونه‌ و یەکێکیشیان بە سرووشتی، پێنج لە منداڵەکان کچ و دووانیش كوڕ بوون، بەمەش ژمارەی لەدایکبووان لە سنووری گەرمیان بە نەخۆشخانە تایبەت و گشتییەکانەوە 12 منداڵ بوونه‌.