بارانبارین لە بەشێک لە ناوچەکانی کوردستان بەردەوام دەبێت

شۆڕش قادری

ئەم دوو رۆژەش بارانبارین لە بەشێک لە ناوچەکانی کوردستان بەردەوام دەبێت و جەوەکە تەواو پاییزی دەبێت.

وەک کەشناسی کوردستان پێشبینی کردووە ئەمڕۆ شەممە 10.10.2026 ئاسمان بە گشتی لە نێوان پەڵە هەور و نیمچە هەور دەبێت، ئەگەری بارینی نمە باران هەیە لە هەندێک ناوچە سنوورییەکانی رۆژهەڵاتی هەرێم سەربە پارێزگاکانی سلێمانی و هەڵەبجە و بەشێک لە ئیدارەی گەرمیان.

پلەی گەرما هاوشێوەی دوێنێ دەبێت و خێرایی باش لەسەرخۆ و مامناوەند دەبێت.

بۆ سبەی یەکشەممەش ئاسمان بە گشتی پەڵە هەورو نیمچە هەور دەبێت، لە کاتەکانی شەودا لە ناوچە شاخاوییە سنوورییەکانی باکوور و باکووری رۆژئاوای هەرێم دەگۆرێت بۆ هەوری تەواو و ئەگەر هەیە لە دوای نیوەشەو بارانبارین لەم ناوچانەدا دەست پێبکات .

بەرزترین پلەکانی گەرمای پێشبینیکراو بە پلەی سیلیزی بۆ ئەمڕۆ؛

هەولێر: 29 پلەی سیلیزی

پیرمام: 27 پلەی سیلیزی

سلێمانی: 29 پلەی سیلیزی

هەڵەبجە:30 پلەی سیلیزی

چەمچەماڵ: 31 پلەی سیلیزی

دهۆک: 29 پلەی سیلیزی

زاخۆ: 29 پلەی سیلیزی

ئاکرێ: 29 پلەی سیلیزی

گەرمیان: 35 پلەی سیلیزی

حاجی ئۆمەران: 21 پلەی سیلیزی

سۆران : 26 پلەی سیلیزی