بە تۆمەتی دزینی پارە و مۆبایل کەسێک دەستگیرکرا

964+

توانا نەقی

بەتۆمەتی دزینی پارە و مۆبایل و کەل و پەلی ئەلیکترۆنی تۆمەتبارێکی تەمەن 14 ساڵ لە راپەڕین دەستگیر کرا.

ئەمڕۆ چوارشەممە، پۆلیسی راپەڕین بڵاویکردەوە، دوای ئەوەی هاوڵاتیەک سکاڵای تۆمارکردووە گوایە دزی لە دوکانەکەی کراوە کە دوکانی مۆبایل و ئامێری ئەلیکترۆنییە کەسێکیان دەستگیر کردووە.

پۆلیس دەڵێت، لە ماوەی کەمتر لە 24 کاتژـێر تۆمەبارێکیان دەستگیرکردووە بە ناوی (ن، ع، ا) و لە دایکبووی ساڵی 2009ـیە.

ئەم مێرمناڵە 14 ساڵە دانی بەوەشدا ناوە کە بەرنامەڕیژی کردووە بۆ دزی کردن لە چەند دوکانێکی تریش.

تۆمەتبارەکە دانی بە تاوانەکەیدا ناوە و بە پێی مادەی 443 بە بڕیاری دادگا راگیراوە.