دیزاینی پارکەکەی گەڕەکی ژیان لە هەولێر. فۆتۆ؛ پارێزگای هەولێر
سەوزایی گەیشتە ٪19.5
بهردی بناغەی پارکێکى گەورە له ههولێر دانرا
964+
ئهرسهلان عهبدوڵا
له ههولێر بهردی بناغهی پاركێكی گهوره له گهڕهكی ژیان دانرا، کە زیاتر له یهك ملیار دیناری تێدهچێت، پارێزگاری ههولێریش دهڵێت رێژهی سهوزایی له ههولێر گهیشتووهته %19.5.
پاركهكه به گوژمهى (1 ملیار و 40 ملیۆن و 477 هەزار دینار)، لە گەڕەکى ژیانى شارى هەولێر ئەمڕۆ سێشەممە 28.11.2023 بهردی بناغهی دانرا و ماوەی 360 رۆژ بۆ تەواوکردنی دیاریکراوە.
پاركهكه لەسەر رووبەرى 19 هەزار مەتر دووجا دێته دروستكردن، کە لەسەر داهاتی سەرۆکایەتی شارەوانیی هەولێر و بە شێوەی بەلێندەرایەتی جێبەجێ دەکرێت
ئومێد خۆشناو پارێزگاری ههولێر به 964ی راگهیاند، پاركهكه بە دیزاینێکى سەرمیانە دروست دەکرێت و شوێنى پایسکلسوارى و وەرزشکردنى تێدا دهبێت.
وتیشی، رێژەیی سەوزایی لە شارى هەولێر گەیشتووهتە 19.5%، هەوڵەکانیش بهردهوامن بۆ دروستکردنى باخچە و پارکی نوێ لە گەڕەک و شوێنە گشتییەکانى سنوورى پارێزگای ههولێر.
گهڕهكی ژیان یهكێكه له گهڕهكه نوێیهكانی ههولێر و دهكهوێته سهر رێگای كهركوك.
