پەروێزخان هەفتەیەک مۆڵەتی هەیە و ئاگاشتان لە بوتڵە چینییەکە بێت

+964

ژووری هەواڵ

دانیشتووانی گوندی پەروێزخان لە گەرمیان چوونەتە نزیک مەرزەکە و دەڵێن تا یەک هەفتەی دیکە جواب نەدرێنەوە، بە خۆیان و ماڵ و منداڵیانەوە چادر هەڵدەدەن و رێگای مەرزەکە دادەخەن.

لەپڕ نرخی بوتڵی غازی پلاستیکی لە بازاڕ چووە کەشکەڵان، ئەوەی جاران بە 52 هەزار دینار بوو، ئێستا بە 160 هەزار دینار دەستت بکەوێ باشە، غاز فرۆشەکان دەڵێن لەبەر ئەوەی کێشیان قورس نییە، خەڵک حەزی لێدەکەن.

خانەنشینەکانی لای خۆمان گلەییان دەکەن دەڵێن، دەبێت موچەکانمان وەک ئەوەی بەغدای لێبکرێت، ئەوە ساڵێکە دادگا بڕیاری داوە، بەڵام نازانن بۆ ناکرێت.