پێشمەرگەی سلێمانی بە سێ بردنەوە پێشەنگی گرتووە

964+

یادگار محەمەد – سلێمانی

تیپی بالەی پێشمەرگەی سلێمانی دوای دەستەبەرکردنی سێ بردنەوەی لەسەریەک کۆتایی بە قۆناغی یەکەمی پاڵاوتنی خولی بالەی عێراق هێنا.

لە رۆژانی 9 تا 11ـەی ئەم مانگە و لە شاری سلێمانی، قۆناغی یەکەمی پاڵاوتنی بالەی یانە پلە نایابەکانی عێراق بەڕێوەچوو، کۆمەڵەی چوارەمی ئەم پاڵاوتنە پێکهاتبوون لە یانەکانی پێشمەرگە، مقدادیە، نەینەوا و سەناعە، تیپی بالەی پێشمەرگەی سلێمانی بە ئاسانی بەربەستی هەرسێ یانەکانی تری بڕی و پلەی یەکەمی کۆمەڵەکەی گرت.

سەڵاح کانەبی راهێنەری پێشمەرگەی سلێمانی بە 964ـی وت، سەبارەت بە قۆناغەکانی پاڵاوتن تیپی بالەی یانەکەیان زیاتر دەرفەت دەدات بە یاریزانە کوردەکان و لاوەکان تاوەکو ئەزمونی زیاتر بەدەست بهێنن.

وتیشی، سێ بردنەوەی لەسەریەکیان تۆمارکردووە و لە ئاستی تیپەکەی رازییە و خولی ئەمساڵیش بەبێ یاریزانی پیشەگەر بەڕێوەدەچێت، بۆیە دەرفەتێکی باشە بۆ یاریزانانی کورد کە بتوانن ئاستی خۆیان بەدەربخەن.

ئەنجامی یارییەکانی هەرسێ رۆژی رکابەرییەکان.

رۆژی یەکەم – پێنجشەممە 9. 11. 2023
مقدادیە – سەناعە  3 – 2
پێشمەرگە – نەینەوا  3 – 1

رۆژی دووەم – هەینی 10 11. 2023
نەینەوا – مقدادیە  3 – 0
پێشمەرگە – سەناعە  3 – 0

رۆژی سێهەم و کۆتایی 11. 11. 2023
نەینەوا – سەناعە  3 – 0
پێشمەرگە – مقدادیە  3 – 0

پێداچوونەوە: توانا نەقی

کچانی سلێمانی ئامادەکارییان بۆ خولی عێراق دەستپێکرد