سەرنشینێک رەوانەی نەخۆشخانە کراوە
ئۆتۆمبێلێک لە پردی مەریەم بەگ کەوتە خوارەوە
964+
کاروان ساڵحی – کەرکوک
ئۆتۆمبێلێک لەسەر پردی مەریەم بەگ دەکەوێتە خوارەوە و یەکێک لەسەر نیشینەکانی بریندار بووە و رەوانەی نەخۆشخانە کرا.
ئێوارەی ئەمڕۆ هەینی، ئۆتۆمبێلێکی جۆری فۆرد بە سێ سەرنیشینەوە لەسەر پردی مەریەم بەگ کەوتە خوارەوە و یەکێک لەسەر نیشینەکانئ رەوانەی نەخۆشخانە کراوە.
عەلی خەڵەف ئەنجومەنی گوندی مەریەم بەگ بە 964ـی وت ، ساتی کەوتنە خوارەوەی ئەو ئۆتۆمبێلە کارەبای نیشتیمانی نەبووە شۆفێرەکەش شارەزای تەواوی ناوچەکە نەبووە، بۆیە کەوتە خوارەوە.
وتیشی، یەکێک لەو سێ سەرنیشینە بەهۆی ئازاری ئەژنۆی و بڕبڕەی پشتیەوە رەوانەی نەخۆشخانە کراوە.
پردی مەریەم بەگ سەر بە ناحیەی تازەیە و رێگای نێوان کەرکوک و پارێزگای تکریت بەیەکەوە دەبەستێتەوە.
پێداچوونەوە: توانا نەقی
