ئەگەر منداڵەکەت ئەم سێ نەخۆشییەی هەیە بەیانی بیکوتە

964+

پێشەوا محەمەد

ئەو منداڵانەی نەبەکامن و لە شەش مانگ بچووکترن، لەگەڵ ئەوانەی کێشەی کۆئەندامی هەناسەیان هەیە و ئەوانەش کە کیشەی دڵیان هەیە و لە دوو ساڵ بچووکترن سبەینێ لە سلێمانی کوتانیان هەیە.

پشدەر عەبدوڵا، بەڕێوەبەری نەخۆشخانەی منداڵانی فێرکاری د.جەمال ئەحمەد رەشید لە سلێمانی لە پەڕەی تایبەتی خۆی لە تۆڕی کۆمەڵایەتی فەیسبووک نووسیویەتی، ئەو منداڵانە کوتانی دژە پەتای وەرزی ڤایرۆسی RSVـیان بۆ دەکرێت.

وتیشی، “پیویستە هەر دایک و باوکێک کە یەکێک لەو منداڵانەیان هەیە سبەینێ یەکشەممە 29.10.2023 کاتژمێر 8:15 خولەکی بەیانی لە نەخۆشخانەکە ئامادە بن”.

مانگی رابردوو لە نەخۆشخانەی منداڵانی فێرکاری د.جەمال ئەحمەد رەشید 17 هەزار منداڵ بینراون و چارەسەریان بۆ کراوە.

نەخۆشخانەی منداڵانی سلێمانی: شوێنمان نەماوە بۆ منداڵانی نەبەکام