لیوا خۆشەوی عەلی کە بەرپرسی پاسەوانەکانی سەرۆک کۆماری عێراق بوو
بەرپرسی پاسەوانەکانی سەرۆک کۆماری عێراق گیانی لەدەستدا
964+
کاروان ساڵحی
سەرچاوەیەک لە سەرۆکایەتی کۆمار بە 964ـی راگەیاند، لیوا خۆشەوی عەلی بەرپرسی پاسەوانەکانی سەرۆک کۆماری عێراق لە رووداوێکی هاتوچۆدا گیانی لەدەستداوە.
وتیشی، رووداوەکە ئێوارەی ئەمڕۆ دووشەممە، لەنێوان عوزێم و خالس بووە، بە تەنیا بووە و ویستوویەتی لە بەغدا بگەڕێتەوە بۆ سلێمانی.
ئەو سەرچاوەیە باسی لەوەش کرد، ئەگەرچی خۆی ماڵی لە هەولێرە، بەڵام کارێکی لە سلێمانی هەبووە و بەنیاز بووە سەرەتا بۆ ئەوێ بچێت.
964 وێنەی ئۆتۆمبێلەکەی بینیوە کە تۆیۆتا لاندکرۆزەرە و بە خراپی بەرکەوتووە.
تا ئێستا هیچ لایەنێکی دیکەی فەرمی لە پۆلیس و ئاسایش و هاتوچۆ راگەیەندراوی نەبووە لەسەر رووداوەکە.