وەستایەکی ئیزوگام لە کاتی کاردا سووتا و گیانی لەدەستدا

964+
ژێوار خدر

لە ناحیەی چوارقوڕنەی دەڤەری راپەڕین وەستایەکی ئیزوگام لە کاتی کاردا بە ئامێری ئیزوگامەکە سووتاوە و گیانی لەدەستداوە.

رووداوەکە دوانیوەڕۆی ئەمڕۆ هەینی روویداوە.

عەلی قادر وتەبێژی بەرگری شارستانی راپەڕین بە 964ـی وت، پیاوەکە 51 ساڵە و خێزاندارە.

وتیشی، خەریکی لێکۆڵینەوەن، لەو شوێنەدا هەم پاشماوەی سووتانی بتڵێکی غاز هەیە و هەمیش محاویلەیەکی کارەبا تەقیوەتەوە، ئەو پیاوە لە هەمان کاتدا سووتاوە و کارەباش گرتوویەتی.