گەنجێک ماوەی پێنج ساڵە بێ بەرامبەر سەری بەساڵاچووان دەتاشێت
964+
هیڤی دێوالی – دهۆک
بەرەڤان میکائیل تەمەنی 38 ساڵە و خەڵکی شاری دهۆکە، ماوەی 22 ساڵە ئیشی سەرتاشی دەکات و پێنج ساڵیشە بێ بەرامبەر سەری بەساڵاچووان دەتاشێت.
بەرەڤان بە 964ـی وت، “هەر لە سەرەتای دامەزراندنی ماڵی بەساڵاچووانەوە ماوەی پێنج ساڵە خۆبەخشم، هەموو هەفتەیەک سەردانیان دەکەین، قژی پیاوەکان و جار جاریش بۆ ژنەکان چاک دەکەین”.
وتیشی، لە کاتی شەڕی داعشدا لە ساڵی 2014ـەوە بۆ چەندین ساڵ گروپێکیان هەبووە و قژی پێشمەرگەشیان بێبەرامبەر چاککردووە.