فیفا لە هەولێر سەرکەوتووانە خولی ناوبژیوانی خانمانی کۆتایپێهێنا

خولێکی ناوبژیوانی بۆ ژنانی ناوبژیوان بەسەرپەرشتی فیدراسیۆنی تۆپی پێی جیهان کە بە فیفا ناسراوە لە هەولێر کۆتایی هات.

خولەکە پێنج رۆژی خایاندووە و 25 ناوبژیوانی ژن تێیدا بەشداربوون و بڕوانامەشیان وەرگرتووە.

مەروا ساجدی لە کەرکوکەوە بەشداری کردبوو بە 964ی وت، “من پێشتر بەشداریم لە خولەکاندا کردبوو وەکو ناوبژیوان، بەڵام ئەم خولە ئەزموونی منی باشتر و زانیارییەکانمی زیاتر کرد، ئێمە دەمانەوێت ببینە نموونە بۆ کچان بۆ ئەوەی زیاتر لە وەرزش و بواری ناوبژیوانی بێنە پێشەوە”.

مەروا کە یاریزانی گۆڕەپان و مەیدانە و مامۆستاشە وتیشی، “ناوبژیوانی خولیامانە و ئێستا بەتەواوی بۆ کاری ناوبژیوانی ئامادەم، لە هەر خولێک پێویست بکات”.

بەشداربووانی ئەم خولە ناوبژیوانی پلە سێ بوون، دوای ئەم خولە بوون بە پلە دوو، لە خولەکانی لاوان و تازەپێگەیشتووانی کوردستان و عێراق دەتوانن ناوبژیوانی بکەن.

بەهرە محەمەدئەمین