کارمەندەکانی ئاوی سلێمانی لە کاتی پاککردنەوەی دەریاچەی سەرچناردا - وێنە: بەڕێوەبەرایەتیی ئاوی سلێمانی
بۆ کوالێتی ئاوەکەیە
ئاوی دەریاچەی سەرچنار پاککرایەوە
964+
پێشەوا محەمەد
بەڕێوەبەرایەتیی ئاوی سلێمانی ئاوی دەریاچەی سەرچناری لە قەوزە و گەڵای دار پاککردەوە و دەشڵێت، ئەو پاککردنەوەیە بۆ کوالێتیی ئاوەکە زۆر گرنگە.
ئاوی دەریاچەی سەرچناو سەرچاوەی ئاوی خواردنەوەی ناوەندی سلێمانییە و دەتوانێت لە هەر کاتژمێرێکدا 14 هەزار مەتر چوارگۆشە ئاو دابین بکات.
بەختیار تاهیر، بەڕێوەبەری ئاوی سلێمانی بە 964ـی وت، “ساڵانە ئەو پاککردنەوەیە دەکرێت و دەبێتە هۆی کرانەوەی زیاتری رێڕەوی هەڵقوڵانی ئاوەکە”.
دەشڵێت، دەریاچەکە سیستمێكی پێشكەوتووی كلۆرینگی هەیە و بە سیستمی كۆمپیوتەری و كۆنتڕۆڵكراو بەپێی گەڕەكەكەنی ناو شاری سلێمانی كار بە ترومپاكان دەكرێت.
