ژمارەیان بوو بە 35 کرێکار
کرێکارێک لە باڵەخانەیەک کەوتە خوارەوە و گیانی لەدەستدا
964+
دیلان محەمەد جەزا – سلێمانی
کەمێک پێش ئێستا کرێکارێک لە پڕۆژەی نیشتەجێبوونی شاری دایک کەوتووەتە خوارەوە و گیانی لەدەستدا.
نەقیب سەرکەوت ئەحمەد وتەبێژی پۆلیسی سلێمانی بە 964ی وت، کرێکارێک لە پڕۆژەی نیشتەجێبوونی شاری دایک کەوتەخوارەوە و دەستبەجێ گیانی لەدەستداوە.
بەوتەی نەقیب سەرکەوت ئەحمەد، لێکۆڵینەوە لە هۆکاری ڕووداوەکە دەستی پێکردووە.
سامان نادر، بەڕێوەبەری فریاکەوتنی خێرای سلێمانی بە 964ی وت، “ئەو کەسە خەڵکی سەیدسادقە و بۆ کاری کرێکاری لە سلێمانی بووە و تەمەنی 34 ساڵە”.
بەڕێوەبەری فریاکەوتنی خێرای سلێمانی ئەوەشی وت، “تەرمەکەی رەوانەی پزیشکی دادی سلێمانی کراوە”.
هەفتەی رابردوو دوو کرێکار لەشوێنی کار گیانیان لەدەستدا یەکیان لە هەولێر و ئەوەی دیکەیان لە سلێمانی، بەگوێرەی ئەو ئامارەکان لەمساڵدا بەم رووداوەوە 35 کرێکار لەکاتی کارکردن گیانی لەدەستداوە.
سەندیکای ئەندازیاران: پرۆژەکان رێنماییەکانی ئێمە جێبەجێ ناکەن
