دیمەنی باڵەخانەی بەڕێوەبەرایەتی تەندروستی سلێمانی _ وێنە: 964
وەزارەتی تەندروستی بەدواداچوون بۆ کلینیکە راوێژکارییەکانی سلێمانی دەکات
964+
پێشەوا محەمەد
لیژنەیەکی وەزارەتی تەندروستی لە شاری سلێمانییە و بەدواداچوونی بۆ کلینیکە راوێژکارییە حکومییەکان کردووە.
964 زانیویەتی، ئەو لیژنەیە سەردانی سەرجەم پارێزگا و ئیدارە سەربەخۆکان دەکات و هەمان بەدواداچوون ئەنجام دەدات.
“لیژنەکە پشکنینی بۆ کلینیکەکان کردووە و لە کێشە و گرفتەکانیان کۆڵیوەتەوە”، ئەوە قسەی سامان لەتیف، وتەبێژی تەندروستی سلێمانییە بۆ 964.
وتیشی، “لیژنەکە لە ئاستی پێشکەشکردنی خزمەتگوزارییەکان کۆڵیوەتەوە و رێنمایی پێویستیان داوە بە کلینیکەکان”.
لیژنەکە ئەمڕۆ یەکشەممە 17.92023 لە سلێمانی بووە و بەدواداچوونەکەی کردووە.
