لە گەشتی هەواڵەکانەوە
کێشە نەما و بانک دۆلار دەداتەوە بە خەڵک
964+
ژووری هەواڵ
– ئەو کەسانەی پارەیان لە ئاڕ تی بانک دانابوو سەغڵەت بووبوون، چونکە دوێنێ بانکەکە بڕیاریدابوو دۆلار نەداتەوە بە کەس و لەبری ئەوە دیناریان بداتێ، هەر سەد دۆلارێکیش بە 132 هەزار دینار حیساب بکات، بەڵام ئەمڕۆ بانکەکە بڕیارەکەی هەڵوەشاندەوەو هەموو کەس دەتوانێت بچێت دۆلار وەربگرێتەوە.
– لە یەکێک لە هۆڵەکانی ئاهەنگگێڕان لە زاخۆ شەڕ لەنێوان دوو خێزان دروست بووە، پۆلیسی فریاکەوتنی زاخۆ دەگەنە شوێنی رووداوەکە، کورسی بەر سنگی یەکێک لە پۆلیسەکان دەکەوێت و ئەم بەیانییە لە نەخۆشخانە گیانی لەدەستدا.
– راست دەرنەچوو، هێشتا هێزە ئەمنییە عێراقییەکان لە گەڕەکە کوردییەکانی کەرکوک نەکشاونەتەوە، کەمێک پێش ئێستا پەیامنێری 964 چووە فلکەی ئیخوان و رەحیماوە و بەردەم بەنزینخانەی تەپە و بەردەم قەڵای کەرکوک، بە کامێراکەی وێنەی هەمووی گرت.
– دوای سێ رۆژ لە دیارنەمانی 80 سەرمەڕ لە کۆمەڵگای شاخۆلانی پارێزگای هەولێر، ئەمڕۆ دووشەممە کەسێک بە تۆمەتی دزینی مەڕەکان لە ناحیەی رۆڤیای قەزای بەردەڕەش دەستگیر کرا.
– ئەم هاوینە و بە ئێستاشەوە، رۆژانە بەنداوی دەربەندیخان 10 سانتیم ئاوەکەی بە بەردەوام دابەزیوە، بەڵام لەچاو پارساڵدا پاشەکەوتیان باشتر بووە.
بەنداوەکە ئەگەر بەراورد بکرێت بە هەمان رۆژی پارساڵ بۆ ئەمڕۆ 12 مەتر پاشەکەوتی ئاوی زیاترە.
