وەزیری تەندروستی: 117 حاڵەتی کۆلێرا لە سلێمانی یەکلایی کراونەتەوە

964+

پێشەوا محەمەد

وەزری تەندروستی رایدەگەیەنێت، 117 حاڵەتی کۆلێرا لە شاری سلێمانی یەکلایی کراونەتەوە و هۆکارەکەشی بۆ ئاوی پیس گەڕاندەوە.

ئەمڕۆ پێنجشەممە 7.9.2023 تیمێکی باڵای وەزارەتی تەندروستی بە سەرۆکایەتی وەزیر سەردانی سلێمانیان کردووە و بەدواداچوون بۆ نەخۆشییەکە دەکەن.

سامان بەرزنجی، وەزیری تەندروستی هەرێم لە کۆنفرانسێکی هەواڵیدا رایگەیاند، سەرچاوەی تووشبوون بە نەخۆشییەکە لە سلێمانی ئاوی پیسە.

وتیشی، “10% بۆ 20%ـی حاڵەتەکان نێردراون بۆ پشکنین، ئەوەش دەریدەخات کە حاڵەتەکان زیاترن، بەڵام خۆشبەختانە تا ئێستا رێژەی مردن سفرە”.

تەندروستی سلێمانی دوێنێ چوارشەممە 6.9.2023 لە راگەیەندراوێکدا ئاشکرای کرد، لەمەودوا هەموو حاڵەتێکی سکچوون و رشانەوە وەک کۆلێرا سەیر دەکەن.