30 هەزار پەنجە ماسی خرایەناو بەنداوی بامەرنێ
964+
یوسف فارس
بەمەبەستی زیادکردنی بەرهەمی ماسی زیاد لە 30 هەزار پەنجە ماسی خرایەناو بەنداوی بامەرنێ.
بەڕێوەبەرایەتی سامانی ئاژەڵی دهۆك رایگەیاند ئەمڕۆ چوارشەممە 23.08.2023، نزیکەی 30 هەزار پەنجە ماسییان خستۆتە ناو بەنداوی بامەرنێ.
ئەندازیاری کشتوکاڵی، رێدوور سدقی، بەڕێوەبەری سامانی ئاژەڵی دهۆك بە 964 وت، ئەو پەنجە ماسییانە لە پرۆژەیەکی بەرهەمهێنانی پەنجە ماسی لە هەولێر بۆمان دابین دەکرێت، ئێمەش بەسەر رووبار و بەنداوەکان دابەشی دەکەین.
دەشڵێت: هەر ئەمڕۆش نزیکەی 30 هەزار پەنجە ماسیمان خستەناو بەنداوی بامەرنێ، سەرەتای ئەم مانگەش 75 هەزار پەنجە ماسی دیکەمان خستەناو بەنداوی خنس.
بەنداوی بامەرنێ، دەکەوێتە قەزای ئامێدی لە پارێزگای دهۆك، رووبەرەکەی نزیکەی 7000 مەتر چوارگۆشەیە.