لە زاخۆ تا چاو بڕ کات سەرەی بەنزین گیراوە
+964
ژووری هەواڵ
تەماشای ڤیدیۆکە بکەن، پێنج خولەک لەسەر یەک لە بەنزینخانەیەکی زاخۆ سەرەی بەنزینی 750 دیناری گیراوە.
ئەم پێشنیوەڕۆیە پەیامنێری 964 لە زاخۆ چووە ناو ئۆتۆمبێلێک و بە تەنیش ریزی ئۆتۆمبێلەکانی بەنزینخانەیەکدا رۆیشت، پێنج دەقە ریکۆرد بەردەوامە ئینجا دەگاتە بەنزیخانەکە.
بەنزینخانەی هێژا لە زاخۆ دەکەوێتە دەروازەی شارەکە، یەکێکە لەو بەنزینخانانەی بەنزینی 750 دیناری دابەش دەکات.
جۆرەکانی دیکەی بەنزین دوو هەفتەیە نرخیان هەڵکشاوە، بۆیە شۆفێران بە ناچاری پەنا دەبەنە بەر ئەم بەنزینە پاڵپشتیکراوە.
چوارشەممەی رابردوو وەزارەتی سامانە سروشتییەکان رایگەیاند: زیاتر لە 500 هەزار لیتر بەنزین گەیشتووەتە هەرێمی کوردستان و هەر لیترێکی بە 750 دینار دابەش دەکرێت.
زاخۆ رۆژانە پێویستی بە 210 هەزار لیتر بەنزین هەیە، بەڵام ئێستا 70 هەزار لیستی بۆ دەنێردرێت.