لە هەولێرەوە.. هاندەران داوا دەکەن گێمی دووەم هەولێر بە پلانی هێرشبردن یاری بکات
964+
شیراز عەبدوڵا
لە بەردەم باغی شار سەدان هاندەر بەدیار شاشەیەکی گەورەوە وەستاون و سەیری یاری کۆتایی جامی عێراق لەنێوان یانەی هەولێر و قوە جەوییە دەکەن.
گێمی یەکەمی یارییەکە بە پێشکەوتنی یانەی جەوییە بە گۆڵێکی بێبەرامبەر کۆتایی هات، ئێستا گێمی دووەمی یارییەکە دەستی پێکردووە و تەنیا 45 خولەک لەبەردم یاریزانانی هەولێرە بۆ یەکسانکردنەوەی ئەنجامەکە و دواتریش بردنەوەی یارییەکە، ئەگەر جەوییە گۆڵی دووەم تۆمار نەکات.
هاندەرێکی یانەی هەولێر قسە بۆ 964 دەکات و پێیوایە دەبێت هەولێر گێمی دووەم بە پلانی هێرشبردن یاری بکات بۆ یەکسانکردنەوەی ئەنجامەکە و بردنەوەی جامەکە.