![زۆپا تەقی و چوار کەسی بریندار کرد](https://ku.964media.com/storage/2022/12/Screenshot-2022-12-12-155555.png)
وێنەی بریندارەکان لە نەخۆشخانە - Social Media
زۆپا تەقی و چوار کەسی بریندار کرد
964+
ئاسۆ فەیسەڵ – سۆران
لە قەزای مێرگەسۆر بەهۆی تەقینی زۆپای دار چوار هاوڵاتی بریندار بوون.
موحتاج عەلی حەمۆ، وتەبێژی بەرگری شارستانی قەزای مێرگەسۆر بە 964+ی وت، شەوی یەکشەممە، لە کاتژمێر ١١:١٥ ئاگادارکراونەتەوە لە رووداوێکی کەوتنەوەی ئاگر لە ماڵێک لە قەزای مێرگەسۆر.
وتیشی، “دەستبەجێ تیمەکانمان گەیشتنە شوێنی رووداوەکە و توانیمان ئاگرەکە کۆنترۆڵ بکەین قوربانیەکان رزگاربکەین، رووداوەکە بەهۆی ئەوەی نەوتیان بە پاشماوەی ئاگرەکەدا کردووە بووتە هۆی تەقینەوەی زۆپاکە”.
سەبارەت بە دۆخی بریندارەکان، وتەبێژەکە باسی لەوە کرد، کە تەندروستیان جێگیرە و لەژێر چارەسەردان لە نەخۆشخانەی قەزاکە.
964+ دەزانێت، بریندارەکان ئەندامی یەک خێزانن، دوو بووک و یەک خەسون، لەگەڵ کچێکیان.