جوتیارانی هەڵەبجە 80 تراکتۆر وەردەگرن

964+

محەمەد عومەر – هەڵەبجە

تیروپشکی دەرچوونی 80 تراکتۆر بۆ جوتیارانی پارێزگای هەڵەبجە کۆتایی هات و هەفتەی داهاتوو بەسەریاندا دابەش دەکرێت.

تراکتۆرەکان بێبەرامبەر دەدرێن بە جوتیارەکان و رێکخراوی GIZی ئەڵمانی دابینی کردوون.

ئەمڕۆ چوارشەممە 21.6.2023 کۆتا تیروپشک ئەنجام درا.

محەمەد یوسف، لێپرسراوی بەشی خزمەتگوزارییە کشتوکاڵییەکان لە کشتوکاڵی هەڵەبجە بە 964ی راگەیاند، تراکتۆرەکان لە سەرجەم ناحیە و گوندەکان دابەش دەکرێن.

هەر جوتیارێک ناوی تۆمار بکردایە مەرج بوو کە ئەو زەوییەی کشتوکاڵی تێدا دەکات لە سێ دۆنم زەوی کەمتر نەبێت.