رێگای سەرەکی نێوان کەرکوک و هەولێر داخرا
964+
کاروان ساڵحی – کەرکوک
دژی رووخانی کەپرەکانیان کاسبکارانی سەر شەقامی عەرەفەی کەرکوک، رێگایان داخست و تایەیان سووتاند.
دووسایدی عەرەفە لەناو شاری کەرکوک، ئەو دووسایدەیە کە گەشتیاران و رێبوارانی پارێزگای تکریت و بەغدا و باشوور و دانیشتووانی کەرکوک دەبەستێتەوە بە دووسایدی کەرکوک- هەولێر، بە داخستنی بووە هۆی داخستنی شەقامی هاتن بەرەو هەولێر.
داخستنی شەقامەکە نیوەڕۆی ئەمڕۆ بوو، کاتێک شارەوانی کەرکوک کەپری کاسبکارانی سەر شەقامی عەرەفەیان تێکدا، لەدژی ئەمە دەستیان بە خۆپیشاندان کرد و شەقامی سەرەکی نێوان کەرکوک هەولێر، بەدیاریکراوی لەنزیک یانەی وەرزشی کەرکوک داخست.
شەقامی عەرەفە، رێگای خێرای نێوان کەرکوک هەولێر و بەدیاریکرای لەنزیک یانەی وەرزشی کەرکوک دەبەستێتەوە، رێگایەکە رۆژانە قەرەباڵەغیەکی زۆری بهسەرەوەیە و یەکێکە لە شەقامە سەرەکیەکانی شارەکە.
حسێن مەریوان، یەکێک لە خۆپیشاندەران بە 964ـی وت، چەندین ساڵە لێرە کار دەکەین و هەر جارەی بیانووێکمان پێدەگرن، چەند رۆژێک بەر لە ئێستا پێیانوتین، کەسابەتی خۆتان بکەن، بەڵام رێگا لە کەس نەگرن.
زیاتر دەشڵێت: کەچی دوێنێ پۆلیس کەپرەکانمانی رووخاند، ئەمڕۆش ساڵنامەی ئۆتۆمبێل و تەرازوویان برد، بەمەش ناتوانین سەوزە و میوەکانمان بفرۆشین، ئەمە وایکرد رێگا بگرین.
بەو هۆیەوە بە ناچاری سایدەکەی دیکە کرایە دووساید تاوەکو چارەسەری کێشەی ئەو کاسبکارانە بکرێت.
پێداچوونەوە: فەرمان سادق