نزیکەی 40 کەسیش بێسەروشوێنن

لە ئیندۆنیزیا ئاگرێکی گەورە کەوتەوە و سێ کەس گیانیان لەدەستدا

شۆڕش قادری

لە ئیندۆنیزیا ئاگرێکی گەورە کەوتەوە و تا ئێستا سێ کەس گیانیان لەدەستداوە، نزیکەی 40 کەسی دیکەش بێسەروشوێنن.

ئاژانسەکانی هەواڵ بڵاویانکردەوە، لە کارگەیەکی شیرینی لە ئیندۆنیزیا ئاگرێکی گەورە کەوتووەتەوە و بەپێی ئامارە سەرەتاییەکان لە ئاگرەکەدا سێ کەس گیانیان لەدەستداوە و چواری دیکەش برینداربوون.

هاوکات 39 کەسیش بێسەروشوێنن و تیمەکانی بەرگری شارستانی و فریاگوزاری خێرا، سەرقاڵی گەڕانن بەدوای ئەو کەسانەدا.