"زۆر دەگمەنە"

نەشتەرگەریەكی دەگمەن لە ئاكرێ كرا

+964
كوردستان ئەحمەد- هەولێر
لە نەخۆشخانەی ژنانی ئاكرێ بە نەشتەرگەری كیسێكی گەورە لەسەر منداڵدانی ژنێك لابرا.

ئەم نەشتەرگەرییە بەیەكێك لە نەشتەرگەرییە گەورە و دەگمەنەكان دادەنرێت، تا ئێستا لە كوردستان ئەم جۆرە نەشتەرگەرییە نەكراوە.

كیسەكە شەش كیلۆ گرام و 410غرامە، لەسەر هێلكەدانی نەخۆشەكە بووە، بەنەشتەرگەریەكی چوار كاتژمێری لادراوە.

نەشتەرگەریەكە لەلایەن سێ پزیشكی تایبەتی بواری ژنانەوە ئەنجامدراوە، بەڕێوبەرایەتی گشتی تەندروستی ئاكرێ دەڵێت، بەسەركەوتوی كارەكە كراوە و نەخۆشە باری تەندروستی زۆر جێگیرە.
نەشتەرگەریەكە بەخۆڕای بۆ نەخۆشەكە كراوە، ئێستا دۆخی تەندروستی جێگیرە و رەوانەی ماڵەوە كراوە.