“مواسەفاتی زۆرە”؛ تووتییەک لە بازاڕی باڵندە فرۆشانی هەولێر سەرنجی خەڵکی راکێشاوە

964+

کۆسرەت ئەحمەد – هەولێر

تووتتیەک لە بازاڕی باڵندە فرۆشانی هەولێر بووەتە جێی سەرنج و خاوەنەکەی دەڵێت، مواسەفاتی زۆرە و نرخی 18 وەرەقەیە.

هۆشەنگ بیلال کە خاوەنی تووتییەکەیە بە 964ـی وت،” ئەم تووتییە شایی دەکات، قسە دەکات، هەڵدەپەڕێت و کە دەشگریت ناهێڵێت بێتاقەتت بی دەستت دەگرێت، مواسەفاتی زۆرە و نرخەکەشی بە 18 وەرەقەیە.”

هۆشەنگ بیلال باس لەوە دەکات تووتییەکە ماڵیکردنی کەمێک زەحمەتە و دەبێت بۆنی دەستت بکات و خواردنی پێ بدەی ئینجا ئاشنات دەبێت.

ئەو فرۆشیارە دەشڵێت: کاتێک تووتییەکە تووڕە دەبێت دەبێت نازی هەڵبگرم، ماچی دەکەم و دەستی بەسەردا دەهێنم هێوری دەکەمەوە.

پێداچوونەوە: کاکەلاو عەبدوڵا