"بارێک داریان پێبووە"
پۆلیسی دارستانی گەرمیان دوو کەسی لەسەر داربڕینەوە دەستگیرکرد
964+
کاکەلاو عەبدوڵا
بەڕێوەبەرایەتی پۆلیسی دارستان و ژینگەی گەرمیان رایگەیاند، دوو کەسیان لە گوندی گردەگۆزینەوە بەتۆمەتی داربڕینەوە دەستگیرکردووە.
پۆلیسی دارستانی گەرمیان دەڵێت، ئەمڕۆ هەیینی مەفرەزەیەکی بەشی پۆلیسی دارستانی و ژینگەی کەلار دوو تۆمەتباریان لە گوندی گردەگۆزینەوە دەستگیرکرد و دەستگیرا بەسەر ئۆتۆمبێل و مشارەکەیاندا.
ئەوەش هاتووە، ئەو دوو تۆمەتبارە یەک بار داریان لە ئۆتۆمبێلەکەیان بارکردووە و بە بڕیاری دادوە راگیراون و پەڕاوی لێکۆڵینەوەیان بۆ کراوەتەوە.