“بە پێنج مووشەک هێرشکراوەتە سەر چەند ناوچەیەکی جیاواز”

پەری ساڵح

دەزگای ئاسایشی هەرێمی کوردستان / سلێمانی رایگەیاند، بەرەبەیانی ئەمڕۆ دووشەممە 14.9.2026 لە رێگەی پێنج مووشەکەوە هێرش کراوەتە سەر چەند ناوچەیەکی جیاواز.

بەپێی راگەیەنراوەکەی ئاسایش هێرشەکان بەم شێوەیە بوون؛

زڕگوێزەڵە: بە سێ مووشەک کراوەتە ئامانج.

ناحیەی سیروان: مووشەکێک لە نزیک گوندی گورگەچیا کەوتووەتە خوارەوە.

قەرەداغ: مووشەکێک لە نێوان گوندەکانی داری زاین و میراسی خواروو کەوتووەتە خوارەوە.

ئاسایشی سلێمانی دەشڵێت، هێرشەکان هیچ زیانێکی گیانیان لێ نەکەوتووەتەوە، داوایش لە هاوڵاتیان دەکات، بۆ پاراستنی سەلامەتیان، لە شوێنی رووداوەکان نزیک نەبنەوە و بە هیچ شێوەیەک دەستکاری پارچە و پاشماوەی مووشەک و درۆنەکان نەکەن.