نەخۆشکەوتنی هۆکار بوو بکەوێتە خولی دووەم

ئەمەل ناجی – خورماڵ

ئاریا عەزیز، نەخۆش کەوتنی بووە هۆی ئەوەی بکەوێتە خولی دووەم، بەڵام نمرەیەکی بەرزی بەدەستهێنا.

ئاریا عەزیز، یەکێکە لە قوتابییە دەرچووەکانی پۆلی 12 و نمرەی 98.58ـی هێناوە و بووە بە یەکەمی سەر ئاستی خورماڵ و دەڵێت، سێ وانەم هێشتەوە بۆ خولی دووەم و توانیم لە هەرسێکیاندا نمرەی بەرز بەدەستبهێنم.

ئاریا بە 964ـی وت، لە پلانمدا نەبوو هیچ وانەیەکم بخەمە خولی دووەم، بەڵام نەخۆشکەوتم و ئەوەش وای کرد سێ وانە بهێڵمەوە و لە خولی دووەمدا تاقیکردنەوەکانی ئەنجام بدەم.

عەزیز حەمە سەلیم، باوکی ئاریا بە 964ـی وت، زۆر دڵم خۆشە بەوەی کوڕەکەم ئەم نمرە بەرزەی هێناوە، وتیشی، لە هەموو روویەکەوە یارمەتیمان دەدا و زۆرجار بە میوانمان وتوە مەیەن و موراعاتمان بکەن، چونکە قوتابی پۆلی 12ـمان هەیە.

پێداچوونەوە: شیرین ساڵح