لە ناحیەی دەرکار

دوو ئۆتۆمبێل و تراکتۆرێک پێکیاندادا و حەوت کەس برینداربوون

964+

شۆڕش قادری

لە ناحیەی دەرکاری سەربە ئیدارەی سەربەخۆی زاخۆ دوو ئۆتۆمبێل و تراکتۆرێک پێکیاندادا و حەوت کەس برینداربوون.

بەڕێوەبەرایەتی بەرگری شارستانی زاخۆ چەند وێنەیەکی دەعمەکەی داناوە و نووسیویەتی، شەوی رابردوو ئاگادارکراونەتەوە کە رووداوێکی هاتوچۆ لە نێوان تراکتۆرێک و دوو ئۆتۆمبێل لە جۆرەکانی تۆیۆتا کامری لە سەر جادەی سەرەکی نزیک گوندی دارهۆزانێ.

دوای ئاگادارکردنەوەیان دەستبەجێ تیمێکیان چوونەتە شوێنەکە و لە رووداوەکەدا حەوت کەس برینداربوون و رەوانەی نەخۆشخانە کراون.

تا ئێستاش ناسنامەی برینداران نەزانراوە و هۆکاری رووداوەکەش دیار نییە، لێکۆڵینەوە لەوبارەیەوە بەردەوامە.